XL-Alpen-Tour

... an duerno weider op d'BCE-Treffen zu Engelberg (CH)
 
Schon am Januar huet den Alain, eisen Tourguide, ugefaang un enger extra schéiner Alpentour ze bastelen. Hie wollt d’Westalpen besichen, déi Géigend wou all Joer Etappe vum Tour de France gefuer ginn. An du goung d’Gerechens lass. Hien huet sech Konditioune gesat. Esou eng Tour vun e puer Deeg muss iwwert déi héchste Bierger féieren an eng onmoosseg Zuel Kéiere musse gefuer ginn, fir vun engem Dall an deen aneren ze kommen. Ugangs August sinn d’Leit déi sech fir dësen Tour ugemellt haten, op Contern an d’Clublokal invitéiert ginn, an do loung fir jiddereen e faarweg gedrécktend a gebonnend Roadbook. E puer hu sech vum Claude d’Weeër op hire GPS luede gelooss an den Alain huet eis den Tour virgestallt a seng Wënsch matgedeelt : fir esou eng Alpentour sollten d’Bremsen net ofgenotzt sinn, d’Pneue misste genuch Profil hunn, d’Motorrieder tipp topp an der Rei sinn, de respektive Code de la Route vun all Land misst respektéiert ginn…, natierlech, just dat mat de Pneuen, dat hat net jidderee gegleeft.
18566846934a271a2c5aa465f2d3955c1aea4d_.jpeg 185668b88c5333c426eecc606948e4af421a96_.jpeg 18566889990e2938ba4b986e451a925e84f43f_.jpeg 185668ac5d31819d38fcf9d75bd728f24761cb_.jpeg 185668d1a9d462318f065bf15ae8a9430549c6_.jpeg
Zwou Woche méi spéit, den 23. August war et endlech esou wäit. Mueres fréi um 7 Auer goung et lass, d’Wieder war wéi am August zu Lëtzebuerg ; gro, knapp 10 Grad, e bësse fiicht. No 150 km Autobunn ware mir an de Vogesen, um Ballon d’Alsace fir eis anzestëmmen, duerno, Hiwwel erop, Hiwwel erof duerch de Jura an no gutt 600 km a bei schéinstem Wieder si mir ënnert dem Genferséi am Hotel ukomm.
185668a307e1907d285a2728a5f69a0cadb536_.jpeg 185668615768f848853e59bcc7d869f3d6c140_.jpeg 1856687d9c28649364620645956ac7a86e1843_.jpeg 185668035420064bb1627699b498d3aab57b45_.jpeg    
Den aneren Dag, et war Sonndes, keng Wollek um Himmel, hu mir déi éischt Collen ënnert d’Rieder geholl. Mir, an dausenden aner Touristen, Motosfrënn, Cyclisten, Autofuerer mat an ouni Unhänger, mir alleguer wollten op d’Spëtz vun de Bierger. Et gouf iwwerholl an hannendru gefuer, et war e bësse Stress bei all deem Trafic.
1856685b38092c55710afc31bb78d0526ef409_.jpeg 1856682c112d46d0de9d45fa82521c80902464_.jpeg 185668bc5f4dba8e4b939f4bf763d4265497db_.jpeg 1856689e1b4d94de9d44274e50f444029d75c3_.jpeg
Mee mir hunn eis all schonn op de nächsten Dag gefreet. Eist Kamerateam, d’Josée an de Gilbert virop, fir alles digital festzehalen, Collen ewéi dee vun der Madeleine, vun der Croix de Fer, de Galibier an natierlech dee vun der Alpe d’Huez, net de normale Wee erop duerch d’lëtzebuerger Kéier mat um Buedem Widmungen un Kirchen, Schleck a Co, nee vun hannen erop, fir d’Saach méi spannend ze maachen, spannend och fir en italieneschen Cyclist deen, esou wéi dee geflucht huet, eis „façon de conduire“ net wierklech appréciéiert huet. 
185668e3b89a2fc418db3af20ec3206667bd5a_.jpeg 185668ec609b60979dd994187d7f1905e5310a_.jpeg 1856684e21469ba2d08eb1fcb3c8fb8c4342d0_.jpeg 18566864ec6c9ecacd4097749baad15d215186_.jpeg
No all deem Gewiessels an de Gäng vum Motorrad, hu mir eis owes zu Corps am Hotel de la Poste duerch Gäng vum Menü geschloen ; amuse-bouche, entrée 1, entrée 2, Haaptplat, Dessert 1, Dessert 2, Kichelcher…..fir dann deen anere Mueren laanscht de Lac du Serre Ponçon op de Col de Pontis, duerno op Barcelonnette an dann op de Col de la Cayolle ze fueren.
1856689ace560d6271943b4363f848531fd035_.jpeg 1856685b7b63933e30ff7454eb7fcdf9b3e722_.jpeg 18566852ca0455ef56799431dfe86b91d245f3_.jpeg 1856686fd57628733d32b91734ebd97be4753d_.jpeg 185668c6031dfaafa5626f25bb1fb7483f6b5e_.jpeg
Fir dass mir de Bierg op Cime de la Bonette packe sollten, wollte mir eis nach virdrun an engem Restaurant stäerken. Deen éischte wollt eis säin Tagesmenü opzwéngen, dat wollte mir net, deen zweeten hat kee Personal. Spontan huet dunn de Guy d`Initiativ ergraff an der Madame an der Kiche gehollef an och nach de Service op der Terrasse organiséiert. An dunn erop op den héchste befuerbare Pass vu Frankräich; d’Loft gouf dënn, et huet ugefaang mat reenen a mir waren all frou wéi mir erëm am Dall waren an drëchenen Asphalt ënnert de Rieder haten. 
185668caaf5aac9efa39ce5cd64a0de5c58166_.jpeg 18566882e63a37ae7e12868a252ded936e0be4_.jpeg 185668577b7a03de709e35838854d95cbb7ff9_.jpeg 185668a1d5c14b6a80ba74868f6a405febea3a_.jpeg 1856681acc57e261546590fd9ec79c7e0a5869_.jpeg 
A well et jo eng Alpentour war, si mir net virun op d’Côte d‘Azur gefuer, mee erëm nördlech, franséisch Serpentinnen erop, italienesch Tornanti erof, mir hu kee renomméierte Col ausgelooss, fir da schlussendlech um Col vum grousse Benni unzekommen an op iwwert 2400m am Hospice, nieft de Bernhardiner Muppen d’Nuecht ze verbréngen.
18566851a3849469da989aa88bda388fb90437_.jpeg 18566813be045955d1040bd357b9194be59208_.jpeg 185668fc6f7982a4fcab308c1fd52a7cfeb1af_.jpeg 1856687e19522184524c27638a042884d89fc3_.jpeg
Hei héiert mäin Aufsatz op, vun hei aus hunn ech leider missen heem fueren. Bravo dem Alain fir d’Organisatioun vun dësem Tour, a Merci all deenen, déi him op iergend eng Art a Weis gehollef hunn.  
Änder REICHLING
 
Eisen XXL-Alpen-Tour wor awer nach laang nët eriwwer, well vum grousse Benni aus ass et dunn weider an d‘Schwäiz an op d’BCE Treffen zu Engelberg gaang. No all deene ville wonnerbare Franséischen, Italieneschen a Schwäizer Kéieren hunn dann emol déi Leit déi dat am Ufank mat de Pneuen fir Geschwätz gehal hunn, sech op d'Sich no engem neie Saz Gummi gemaach an hunn eng Etapp missen aussetzen, fir um direkten Wee op Engelberg ze fueren. Owes hate mir dann onst 1. Iessen am groussen BCE-Festzelt.
De nächsten Dag hu mir ons dann gut gelaunt op eisen 1. Schwäizer Pässetour gemaach.
185668bc220722812648ce2853a6f95ed14f6c_.jpeg 185668e9479b2c18505983480b06ff89f00390_.jpeg 185668d33c5d6c04ae232f3e83fe8d56039992_.jpeg 1856686857938c839d810f052fee6c9e0d8892_.jpeg 18566851bb4d46ab5a17d4d671cdeed56d387c_.jpeg 
Déi gutt Stemmung huet dunn awer en décken Dämpfer kritt ewéi de Jean-Paul onfräiwelleg getest huet wéi et sech esou eng „Pässeabfahrt“ praktesch ouni Bremsen eroffuere léist. Gott sei Dank ass alles gut ausgaang, mee de Jean-Paul an den Alain hunn sech missen op Sich no enger Garage maachen, an dat Freides mettes, kuerz virum Weekend. Owess stoung eng Chinesesch Fondue op 3200m um Programm. Schon aleng déi 45 Minute Wee fir op den Titlis ze kommen waren en Erliefnes; 2 mol emmklammen, dei lescht Bunn huet sech 360° gedréint, fir dass jiddereen déi herrlech Vue genéisse konnt. No engem super Sonnenennergang an dem Iessen ass et am Däischteren bei de Kläng vun der Dréiuergel vu Corps (merci Jean-Paul) nees an Duerf gaang. 
185668ddc3876a9eca549eb749239fbf4d3730_.jpeg 18566849e5ace6d4eac84f7dee5b1483913b54_.jpeg 185668503653b60478f6c4ad879ef8fd2fab00_.jpeg 1856688cc3d621b9946d1b28a0efe868c08c7d_.jpeg 185668f91f91955e0cf788831de839862ba34a_.jpeg  
De nächsten Dag sotung en Tour mat den Düsseldorfer BMW Frënn um Programm. Schnell nach dem JP säi Moto an den Garage siche goen (esouguer de Patron huet matgeschrauft fir Bremsleitung ze flécken) fir duerno e super Dag ze erliewen. Méi wéi een wäert ennerlech dem R. May säin ‚Über den Wolken‘ gesummt hunn, bei esou Aussichten. 
185668e1cd705525a5f443d635026fdc5155a5_.jpeg  18566830a7976bbc8912727bd561000537781a_.jpeg 185668d1c5415a40a2c17329015e3151653325_.jpeg  1856681290f3b2b93bad15285d45c79fc2394f_.jpeg  
No dem Ofschlossiessen mat den obligatoreschen BCE-Präisiwwereeschungen ass et den Dag drop leider erem heem gaang. Des Tour wäert nach laang jidderengem a gudder Erennerung bleiwen.
18566818b54e57e95d654c9229541a58a98683_.jpeg Alain BURG